Page 16 - Pas xhamit të dyfishtë

14 Pas xhamit të dyfishtë

ekonomik. Të rinjtë dhe të moshuarit edhe mund
të bisedojnë, por ditët e sotme nuk ofrojnë shumë
mundësi për kontakte mes brezave të ndryshëm.

Shpesh i duket se nuk është ajo që mendon, po e sheh
veten si një spektatore të mendimeve të veta. Spektatore
që mendon. I vendos me kujdes mendimet e reja bashkë
me të mëparshmet, sipas një sistemi të përbrendshëm

katalogimi. Nuk ka nevojë t’i përputhë, e gjejnë rrugën
vetë, njësoj si gjejnë detin pas daljes nga veza, të vegjlit
e breshkave detare. Në ndonjë rast krijojnë qark të
shkurtër. Kur një mendim i ri bie në kontakt me brumin
e vjetër që u kanë dhënë jetë kuptimeve dhe historive.
Atëherë historia ndryshon, ndoshta edhe kuptimi, dhe
ajo vjen në vete si e përtërirë. Është ende duke u pjekur.
Mbush togje të tëra fletoresh kur lë mënjanë shtizat, dhe
pusullat e shkruara të letrës shërbejnë si udhërrëfyes për

t’u orientuar në apartament, si ato që la Greteli në pyll
për të gjetur rrugën e shtëpisë.

Askush s’është krijesë e papërsëritshme. Rilexon një
tekst që e kishte lexuar shumë vite më parë. Mirëpret
një farë që kohë më parë ka rënë në një truall shkëmbor.
Tani ka në dispozicion një tjetër truall. Çka ishte e errët
dikur, befas duket e thjeshtë dhe e afërmendshme. Edhe
pse flet e lexon ndonjë gjuhë tjetër, ndihet rehat vetëm

në gjuhën e nënës. Në të tjerat ndihet furacake. Si një
indian i Amerikës në një film kaubojsh. Ajo banon në